Cyfeillion Amgueddfa Genedlaethol Cymru

I unrhyw Gyfaill na ŵyr pa beth i’w feddwl ynglŷn â newid hinsawdd, gallai’r sgwrs hon fod yn arweiniol. Mae gan yr Athro Siwan Davies Gadair bersonol mewn Daearyddiaeth Ffisegol yn Adran y Biowyddorau ym Mhrifysgol Abertawe. Fe gydweithiodd gyda phrifysgolion Copenhagen, Bangor a St Andrews i geisio deall achosion newid hinsawdd ar draws y canrifoedd. Roedd ei hetholiad yn ddiweddar i Gymdeithas Ddysgedig Cymru yn cydnabod nid yn unig ei chyflawniadau academaidd personol, ond hefyd ei safle fel ffigur atyniadol ac ysbrydolus ar gyfer merched sy’n dymuno cychwyn ar yrfa yn y gwyddorau.

Cafodd ei gwaith ar amrywioldeb hinsawdd yng ngorllewin Gwlad yr Iâ, a’i hastudiaethau ar gofnodion gwaddol llynnoedd, haenau lludw a ffrwydriadau folcanig yn yr Ynys Las a mannau eraill eu dogfennu mewn llu o gyhoeddiadau academaidd, ac edrychir arni fel un o arbenigwyr pennaf y byd yn ei maes. Yn ei sgwrs, bydd yr Athro Davies yn disgrifio sut y mae ei gwaith ditectif ar baleohinsoddau yn taflu goleuni ar destun cyfareddol a chyfoes newid hinsawdd, ddoe, heddiw ac yfory.

Y tâl mynediad, i gynnwys coffi a bisgedi, hefyd yn Ystafelloedd Oriel ar ôl y sgwrs, yw £8 i’r Cyfeillion sydd yn archebu ymlaen llaw, neu £10 wrth y drws.

Er mwyn manteisio ar y pris gostyngedig hwn, llenwch y daflen isod, os gwelwch yn dda, a’i hanfon gyda’ch siec at Ann Saer, 15 Highfields, Llandaf, Caerdydd CF5 2QA (ffôn 029 2056 2756; ebost annsaer@talktalk.net) erbyn dydd Mercher 15 Mehefin.

Noder: os byddwch yn anfon cais am fwy nag un digwyddiad, anfonwch siec ar wahân am bob un, os gwelwch yn dda.

I arbed costau postio, ni fydd cydnabod. Gwnewch ymdrech i ddod – a dewch â’ch ffrindiau hefyd, gan fod y digwyddiad yn agored i’r cyhoedd am dâl o £10 (ymlaen llaw neu wrth y drws). Bydd croeso cynnes iddynt.

Cyfeillion Amgueddfa Cymru

Sgwrs gan yr Athro Siwan Davies: ‘Clues to Climate Change – Past, Present and Future’
20 Chwefror 2016 am 10.30 yb yn Theatr Ddarlithio Reardon Smith,
Parc Cathays, Caerdydd

Carwn archebu ..……… (l)le ar gyfer y digwyddiad uchod. Amgaeaf siec am £ ………. (yn daladwy i Cyfeillion Amgueddfa Cymru).

Enw(au) ………………………………………………………………………………………………

Cyfeiriad ……………………………………………………………………………………………….

Cod post …...………………. Ffôn ………………………. Ebost …………………………………

Lawrlwytho'r manylion hyn a ffurflen archebu (rhaid i chi fod yn Gyfaill i dderbyn y pris gostyngedig)