Cyfeillion Amgueddfa Genedlaethol Cymru

A hithau’n frodor o Drefforest, astudiodd Morfydd Owen yng Ngholeg Prifysgol Caerdydd a’r Academi Gerdd Frenhinol cyn sefydlu gyrfa fel cantores, pianydd a chyfansoddwraig. Crewyd iddi statws chwedlonol gan ei chyfeillachu cyfareddol gyda D.H. Lawrence ac Ezra Pound, ei phriodas fregus â’r seicdreiddiwr Freudaidd Ernest Jones, a’i marwolaeth anarferol yn 26 oed. Cyflwynir y sgwrs hon, sy’n cynnwys delweddau archifyddol a recordiadau o gerddoriaeth Morfydd ynghyd â
detholion o’i gohebiaeth, gan Dr Rhian Davies, ysgolhaig y mae ei gwaith ymchwil wedi ailennyn y sylw rhyngwladol a gawsai’r gyfansoddwraig gynt.

Caiff Dr Davies ei chydnabod fel hanesydd blaengar ym maes diwylliant yr ugeinfed ganrif, ac mae’n ddarlledwraig gyson ar Radio Cymru, BBC Radio 3 a Classic FM. Cafodd ei gwaith curadurol fel Cyfarwyddydd Artistig Gwyliau Cerdd Gregynog ei glodfori gan y Guardian, y cylchgrawn Classical Music a’r Times.

Y tâl mynediad, i gynnwys coffi a bisgedi, hefyd yn Ystafelloedd Oriel ar ôl y sgwrs, yw £8 i’r Cyfeillion sydd yn archebu ymlaen llaw, neu £10 wrth y drws.

Er mwyn manteisio ar y pris gostyngedig hwn, llenwch y daflen isod, os gwelwch yn dda, a’i hanfon gyda’ch siec at Ann Saer, 15 Highfields, Llandaf, Caerdydd CF5 2QA (ffôn 029 2056 2756; ebost annsaer@talktalk.net) erbyn dydd Mercher 17 Chwefror.

Noder: os byddwch yn anfon cais am fwy nag un digwyddiad, anfonwch siec ar wahân am bob un, os gwelwch yn dda.

I arbed costau postio, ni fydd cydnabod. Gwnewch ymdrech i ddod – a dewch â’ch ffrindiau hefyd, gan fod y digwyddiad yn agored i’r cyhoedd am dâl o £10 (ymlaen llaw neu wrth y drws). Bydd croeso cynnes iddynt.

Cyfeillion Amgueddfa Cymru

Sgwrs gan Dr Rhian Davies: ‘A refined and beautiful talent ’: (1891-1918)
20 Chwefror 2016 am 10.30 yb yn Theatr Ddarlithio Reardon Smith,
Parc Cathays, Caerdydd

Carwn archebu ..……… (l)le ar gyfer y digwyddiad uchod. Amgaeaf siec am £ ………. (yn daladwy i Cyfeillion Amgueddfa Cymru).

Enw(au) ………………………………………………………………………………………………

Cyfeiriad ……………………………………………………………………………………………….

Cod post …...………………. Ffôn ………………………. Ebost …………………………………

Lawrlwytho'r manylion hyn a ffurflen archebu (rhaid i chi fod yn Gyfaill i dderbyn y pris gostyngedig)